|
Lluniau Hawlfraint
Martin Wright.
Cliciwch i ehangu
|
Aelodaeth
| Newyddion | Cyfansoddiad
| Pwyllgor
| Polisi Iaith
Ffurfiwyd Cymdeithas Mynyddoedd Cambria gyda'r amcanion canlynol:
1. Hyrwyddo, er lles y cymunedau lleol, a'r cyhoedd ehangach,
fesurau fydd yn cynnal neu ychwanegu at dirwedd, harddwch
naturiol, bioamrywiaeth, archaeoleg, diddordeb gwyddonol,
a threftadaeth ddiwylliannol Mynyddoedd Cambria;
2. Hyrwyddo addysg y cyhoedd yn nhirwedd, harddwch naturiol,
bioamrywiaeth, archaeoleg, anian gwyddonol, treftadaeth ddiwylliannol
a geoamrywiaeth Mynyddoedd Cambria.
Rydym yn credu bod methu enwebu Parc Cenedlaethol ym 1973,
diffyg canlynol unrhyw hunaniaeth swyddogol gydlynol ar gyfer
Mynyddoedd Cambria, a'r ffaith bod awdurdodau lleol yn eu
hystyried yn ymylol a dibwys, wedi eu gadael yn agored i ddatblygu
tameidiog a chamddefnydd. Effaith gynyddol hyn oll yn y pendraw
fydd dinistrio'r nodweddion y bwriadwyd eu dathlu a'u hamddiffyn
trwy eu henwi'n Barc Cenedlaethol. Fodd bynnag, yr ydym yn
cydnabod y gall enwebu Parc Cenedlaethol fod llawn mor ddadleuol
nawr ag y bu ym 1973.
|
Bydd Cymdeithas Mynyddoedd Cambria
felly yn ceisio hyrwyddo ei hamcanion trwy ymgyrchu
dros enwebu Ardal Harddwch Naturiol Eithriadol (AHNE)
Mynyddoedd Cambria.
|
|
Mae'r Gymdeithas yn falch o gael Iolo
Williams, naturiaethwr a darlledwr yn Llywydd.
Mae aelodaeth o'r Gymdeithas yn agored i unigolion dros 18
oed, ac i gyrff corfforedig sy'n cefnogi amcanion y Gymdeithas.
Elusen anghorfforedig a gofrestredig yw'r Gymdeithas, rhif
1113037.
Yn ogystal ag ymgyrchu, mae'r Gymdeithas yn gobeithio trefnu
digwyddiadau i aelodau trwy holl ardal Mynyddoedd Cambria,
yn rhan o'i hymroddiad i'w hail amcan.
Sut gallwch chi helpu'r Gymdeithas
1. Dod yn aelod
Helpwch ni i ddangos bod cefnogaeth boblogaidd i AHNE,
yn ardal Mynyddoedd Cambria, ar ei chyrion ac yn genedlaethol
ledled Cymru a'r DG. Bydd eich tanysgrifiad yn ein cynorthwyo
ni gyda'n gwaith ymgyrchu.
2. Rhoi cyfraniad ar ben eich tanysgrifiad,
os gallwch chi.
3. Os hoffech helpu'r Gymdeithas yn ymarferol,
byddwch cystal â rhoi gwybod i ni wrth ymaelodi.
4. Lledaenu'r gair
 |
Os gallwch chi ddosbarthu neu ddangos copïau
o daflen aelodaeth y Gymdeithas, byddwch cystal
â chysylltu â'r Alun Jones, 6 Teras
Nantymwyn, Rhandirmwyn, Llanymddyfri, SA20 0NS.
|
|
|
